Billboard 200: A vawi khatna atan No 1-ah Jelly Roll

Jelly Roll chuan a vawi khatna Billboard 200 album chart-ah No 1 ni thei album a nei ve ta. A album thar ber, 'Beautifully Broken' chuan chart chung ber dinhmun a rawn luah ve ta a ni.

Country star, Roll album tharah hian hla 28 awmin, kar liam ta chhung khan US-ah equivalent album unit 161,000 a neia, a hla te hian on-demand official stream mtd 58.86 neiin, album sales hi 114,000 a tling bawk.

Jelly Roll hian billboard album chart-ah mellung pawimawh tak a siam bakah, hlawhtlinna ṭha tak dang a nei bawk. Thawhṭanni khan a Instagram-a video a post-ah, a rihna tihniam tura a beih meknaah pound 100 a hloh tawh tih a sawi. 'Nakkuma min hmuh hunah chuan min hai tawh maithei,' a ti. Roll hian a rihna tihniam tura a beih chungchang hi a sawilang fo a ni.

Chart hmasaa No 1 dinhmun hauhtu, Sabrina Carpenter 'Short n' Sweet' chu No 4-ah a tla thla a, No 2-ah Rod Wave album thar, 'Last Lap' a rawn lang thung. Equivalent album unit 127,000 neiin, top 10-a lang thei album pasarih a neihna a ni. Charli XCX 'Brat' pawh No 14 aṭangin No 3-ah a rawn invawrh a, equivalent album unit 105,000 a nei. GloRilla solo album 'Glorious' chuan equivalent album unit 69,000 neiin No 5 ah a lang bawk a ni.