Taylor Swift concert record khumtu Shakira

Taylor Swift chuan 'Eras Tour' hmangin record eng emaw zat a siam tawh a, heng zingah concert aṭanga sum la lut hnem ber leh, USD tld 1 la lut tling hmasa ber record te pawh a tel. Mahse a record siam zinga pakhat chu Shakira chuan a rawn khum.

Kum 47 mi, Colombian singer Shakira hian world tour a nei dawn a, Mexico City-a stadium lian ber dawttu, Estadio GNP Seguros a show vawi nga a neih tur atana ticket chu hralh zawh vek ni tawhin, hmeichhe artist zingah hetiang dinhmun thleng thei hmasa ber a ni. A tirah chuan show hi vawi li neih a tum a, mahse ticket chang lo an tam vang leh, fan lamin an ngenna avangin show vawi khat a belh a, hei pawh hi ticket hralh zawh nghal vek a ni. He stadium-ah hian mi 65,000 an leng a ni. Taylor Swift-in Mexico City-a show vawi li atana ticket hralh zo veka record a lo siam tawh Shakira hian a rawn khum ta a ni.