Hong Kong-in sorkar computer-ah WhatsApp, Google Drive, WeChat hman a khap

Hong Kong sorkar chuan sorkar hnathawkte chu an hnathawhna hmuna computer-ah apps lar tak tak hman a khap a, heng zingah hian WhatsApp, WeChat leh Google Drive pawh an tel.

Digital Policy Office chuan inkaihruaina dan siam thar hi tichhuakin, sorkar hnathawkte chu an hnathawhna hmunah an mimal computer/device hmang chuan heng app te hi an hman phalsak an ni tho a ni. Mahse office computer-ah erawh hman khap a ni a, hei hi data leak leh cybersecurity venhimna tura an tih a ni. Information technology expert-te chuan company eng emaw pawhin hetiang kaihhruaina hi an hmang mek niin an sawi.

Innovation, Tech­nology and Industry secretary, Sun Dong chuan computer khawihbuai, hacking a tamin, hei hian harsatna tam tak a thlen a, hei vang hian app hman khapna siam hi a ṭul hle tih a sawi. US leh China pawhin sorkar computer bikah khauhkhirhna khauh tak an siam a ni, a ti.

Kumin kumtir lam khan Hong Kong sorkar hnuaia deparmtent eng emaw zat data chu khawih sak an ni a, mi sing tel mimal chanchin chhinchhiahte pawh an khawih buai a, hei vang hian mipuiah pawh hlauhthawnna a nasa hman hle a ni.