Zo Awi Zunzam-ah F. Zothanpuii pual

Doordarshan, Aizawl in zanina Zo Awi Zunzam hun a buatsaih chu F. Zothanpuii pualin hman a ni dawn.

Zanin dar 7-ah F.Zothanpuii pualin live programme buatsaih hi ṭan a ni dawn a, Zonun Band in rimawi tumin, sound lamah Delta sound te an thawhpui dawn a ni. DD Mizoram TV channel leh Doordarshan Aizawl Youtube channel ah pek chhuah a ni ang.

F.Zothanpuii hi All India Radio artist B high grade a ni a, hla phuah thiam F.Rokima leh J.Lalbiaki te fanu a ni. Kum 1977-ah AIR deptt ah Programme Executive hnaah a lut a, kum 2002 aṭanga hun tawp, kum 2004 thlengin AIR, Aizawl-ah Station Director mawhphurhna a chelh a ni. AIR-ah hla 93 a khung a, audio album cassette 2 a siam bawk.

Zanina F. Zothanpuii puala hun hmanah hian zaithiam lar tak tak ten a hla sak ṭhinte an rawn sa dawn a ni.

Zanina zai turte -

Lalenkawli Pautu
Siampuii Ralte
Vanrammawii Pautu
Israel Biakrema
Ticos Dara
Ngurthansanga