MTV Movie & TV Awards Special-ah Chadwick Boseman an chawimawi

MTV Movie & TV Awards: Greatest of All Time, Pathianni zana neihah khan Black Panther star fam ta Chadwick Boseman chu chawimawi niin "Hero for the Ages"-ah an puang.

MTV chuan screen-ah mai ni lo, screen pawn lamah pawh hero an nihna tilangtute tana chawimawina chu Boseman hi an hlan thu an sawi. Chadwick Boseman hi August thla khan kum 43 mi niin colon cancer vangin a thi a ni.

Robert Downey Jr. leh Don Cheadle-te chuan "Hero for the Ages"-a Chadwick Boseman puanna hun hi neiin zahna an hlan a ni. Downey chuan superhero awmzia tilang chiangtu a nih thu sawiin Cheadle pawhin midangte pumkhata siamna kawngah thil tihtheihna nasa tak a nei tih a sawi ve bawk.

Chaedle chuan Boseman chu midangte tana nasa taka luang chhuak ṭhin a nih thu sawiin cancer natnain a tihbuai midangte ṭanpui ṭhintu a nih thu a sawi a ni.

MTV Movie & TV Awards Special-ah hian milar tam tak pawh chawimawi an ni a, chung zingah chuan Kevin Bacon, Drew Barrymore, Kristen Bell, Selma Blair, Jamie Lee Curtis, Gal Gadot, Sarah Michelle Gellar, Kevin Hart, Adam Sandler, Jason Segel leh Cobra Kai star William Zabka-te pawh an tel.