Prince William fanu thar 'Diana' a ni lo ang

Prince William-a fa­nu thar hmingah, a nu, fam ta, Diana hming chawi­in 'Diana' tih an phuah dawn niin an sawi a, mahse lal chhungkaw lam chuan chutianga a hming sak tumna a awm lo tih an sawi.

Fanu thar patea, Prince Harry chuan a fanu thar chu hmelṭha a ti hle a, a duh­awm hle tih a sawi.

Inrinni zan khan Kate Middleton hian fanu thar a hring a; damdawi ina nau nei tura a luh aṭanga darkar hnih hnuah fanu thar hi hring a, a hnu darkar sawm hnuah naute thar hi pawn boruakah a hmai khuh loin a pawm chhuak nghal a ni. Naute hi kg 3 leh gram 700-a rit a ni.

Naute hming hi phuah a la ni lo a, a pi, Queen Elizabeth-in a tlawh hma chuan a hming an sa a nih pawhin an puang chhuak rih lo ang.