Edu Fest vawiinah ṭan tawh dawn

Kum tina neih ṭhin Edu Fest chu a vawi 13-na atan May 5-6 chhung hian Assembly Annex, Tennis Court bulah neih a ni leh dawn a, zirna in 40 lai inpho an tum. Edu Fest hi East India-a education fair lian berte zinga mi niin kum tin neih ṭhin a ni a, ni 2 awh tur Fest hi May ni 5, 11AM hian Higher and Technical Minister R. Romawia chu hawng tura beisei an ni.

Kuminah hian course hrang hrang Medical, Engineering, BBA, BCA, MBA, Designing etc te a awm leh dawn a, MBBS, Engineering, Fashion, Air Hostess Training, Management, Bio-Technology te pawh an inpho dawn. University leh College te chu anmahni zirna ṭheuhah accreditation nei vek an ni a, a duh tan document te pawh enfiah theihin a awm nghal dawn a ni. Zirna in tel turte hian zirlai zir zawhah an thawh tawk tur ang hna placement an pe thei bawk.