Shakira a strict teh mai a nia!

A zai a, a lâm hawh hawh a, a dul leh mawng a sêk nalh thiam em em. Mahse hei hi chu a music hralh a tlakna tur chauh a ni a, in chhungah chuan hetiang hian a nun reng lo a nia. Rin aiin a fate enkawl kawngah pawh a strict zêk a nia aw!

UNICEF tana palai hna thawk mek Shakira chuan, "Nu taima tak bula an seilen hi a pawimawh hmasa a ni. An pa chu pa ṭha, tunlai pa ṭha tak a ni a, an entawn a, amah khûm tum emaw, amah ang emaw amah an an tum turah ka ngaiin ka beisei. Gerard nen hian nu leh pate mawhphurhna leh fate enkawl dan tur chungchang nasa takin kan sawi dun ṭhin. Kei chu discipline ngai pawimawh mi ka ni," a ti.

An nupain chhung­kaw inngeih tak aṭanga seilian leh chawrchhuak an ni tih a sawi a, chuvang chuan an fate pawhin chhungkaw inlaichinna an ngai pawimawh tur niin a ngai a, mi ṭha, mite entawntlak an nih theih nan strict taka enkawl a tum tih a sawi bawk.