Avengers: Age of Ultron a ropui

Beisei angin a ropui e. Furious 7 a rawn pet chhuak chiang khawp mai. Avengers: Age of Ultron chuan dollar mtd 187.7 zet a lalut a, Furious 7-in hapta li zet ro a lo rel tawhna chu a rawn pawtthla a, hei mai bakah, movie tihchhuah tawh zawng zawng zinga US box office-a kar khat chhunga sum lalut hnem ber dawttu a ni.

Avengers thar ber hian Zirtawpni chhung ringawt khan dollar mtd84.5 zet a lalut hman a, Avengers hmasa zawk khan dollar mtd 80.8 a lalut thung. Zirtawpni chauha sum lalut hnem chu Harry Potter and the Deathly Hallows: Part II kha a ni a, kum 2011-a tihchhuah he film hian opening week-a Zirtawpniah dollar mtd 91.7 a lalut.

Hei mai bakah superhero ho film tihchhuah tawha ni khata sum lalut hnem ber a ni bawk. Tunah hian Avengers: Age of Ultron hian khawvel pumah nimin thleng khan dollar mtd627 a lalut tling der tawh a ni.

Pahnihnaah Blake LIvely channa, The Age of Adaline chu a awm a, he movie hian kar tawp chhung khan dollar mtd 6.3 a lalut. Furious 7 chu pathumnaah a tla thla a, kar tawp chhung khan dollar mtd 6.1 a lakluh belh leh bawk.

Box office movie:

"Avengers: Age of Ultron" - $mtd187.7

"The Age of Adaline" - $mtd6.3

"Furious 7" - $mtd6.1

"Paul Blart: Mall Cop 2" - $mtd5.5

"Home (2015)" - $mtd3.3

"Cinderella" - $mtd2.4

"Ex Machina (2015)" - $mtd2.2

"Unfriended" - $mtd2

"The Longest Ride" - $mtd1.7

"Woman in Gold" - $mtd1.7