UK chart-ah One Direction an lang thar leh

One Direction member hlui, Liam Payne a thih hnuah, One Direction hla te chu UK chart lamah an rawn langsar thar leh.

Official Albums Chart thar berah, One Direction studio album pahnihna, 'Take Me Home' (2012) chu No 12-ah awmin, kar tawpah chuan No 10 ah a kai chhoh a rinawm. "Midnight Memories" (2013), "Made in the A.M." (2015), leh "FOUR" (2014) album-te pawh chart-ah an rawn lang ve leh ta bawk. An single pawh eng emaw zat chu an rawn vawrh lar thar leh a, "Night Changes" (2014) chu No 13-ah langin, "Story of My Life" (2013) chu No. 21 leh "What Makes You Beautiful" (2011) chu No 48-ah an awm. Payne-a solo album "LP1" pawh album chart-ah No 49 ah a lang a ni. One Direction studio album zawng zawngte hi UK album chart Top 40-ah an rawn lan leh vek rin a ni.