Prince Charming atan Chris Hemsworth

Australian actor, Marvel Cinematic Universe-a Thor lema pa tak maia chang, Chris Hemsworth chu live-action Disney film thara Prince Charming lema chang turin inbiakna neihpui mek nia sawi a ni.

Disney film thar hi "Wonka" leh "Paddington" director, Paul King siam tur niin, a plot erawh an la puangzar lo. King, Simon Farnaby leh Jon Croker ten a script hi an ziak a, Prince Charming chanchin nena sawizawm ṭhin, 'Cinderalla' film nen erawh inzawmna a nei dawn lo nia sawi a ni. Hemsworth biak mek nia sawi chungchangah hian Disney lam chuan thuchhuah an la siam lo thung. Hemsworth hian animated sci-fi film, 'Transformers One' ah Optimus Prime tan aw a lo thawh tawh a, hei bakah kumin kumtir lama tih chhuah “Furiosa: A Mad Max Saga” -ah Anya Taylor-Joy nen an chang dun bawk. Amazon MGM Studios thriller, "Crime 101" ah pawh a chang dawn bawk a ni.