Whatsapp status-ah private mention hman theih vek ta

WhatsApp chuan an feature thar, 'Private Mentions' chu version ṭhenkhatah hun eng emaw chen an enchhin hnuin, user zawng zawngte hman theih turin a chhawp chhuak ta.

Status upload rualin WhatsApp contact list-a mi an mention thei a, an mention-te hian private message an lo dawng dawn a ni. Status-a an mention-te hian a mention-tu status hi screenshot/download kher loin an lo share ve thei nghal bawk. Status pakhatah hian mi panga zel mention theih a ni. 'Private Mentions' feature hi status reach tih zauhna atan a ṭangkai dawn a, hei bakah brands leh influencer lamin an chhawr ṭangkai hle rin a ni.