Aizawlah Mixtape Vol - 1 IYAZ concert

2010 hit "Replay" satu IYAZ chuan zanin, October 26, 2024 zan hian Tribal Art Centre, Tanhril-ah concert a nei dawn. Tlai dar 4 aṭangin gate hawn a ni dawn a, IYAZ bakah local artist ṭha tak tak leh DJ-te an inlan dawn bawk.

IYAZ chahchhuaktu HopeCore hi MLTR leh Music Travel Love hlawhtling taka lo buaipuitute kha an ni a, tun ṭumah pawh an hlawhtlin leh viau a beiseiawm hle.

Ṭum danga kan la hmuh ngailoh set up lamah thil thar kan hmu dawn. Stage hi a laiah dah a ni dawn a, concert chhimtute tan pawh en timanhla tur tak pakhat a nih a rinawm. Ticket hi online in triket.arsi.in ah a lei theih a, Offline-in Millennium Centre Main entrance ah a lei theih bawk. General Rs 1499 a ni a, VIP Rs. 5999 a ni thung. VIP book tan VIP parking siam a nih bakah table service awm dawn bawk a ni. Midang lirthei keng tan Gate-a tlan lut loin parking hmun an siamah dah tur a ni ang. A hmunah hian food stall eng emaw zat a awm dawn bawk a ni.