Praise on 2024 Top 10 an hriat ta

SYNFO leh Central Kristian Ṭhalai Pawl (CKṬP) buatsaih, KṬP member te tana mal zai intihsiakna, Praise on 2024-ah a thiam zual 10, Top 10 thlan chhuah an ni ta.

October 24 leh 24 zan khan Top 30-te chu Saron Veng Kohhran Hall-ah intihsiakin, an zinga aṭang hian mi 10 hi thlan chhuah an ni. Top 10 hi November 7 leh 8 hian Dawpui Kohhran Hall-ah an intihsiak leh dawn a, live music-a rem tur a ni tawh ang. A zan khatnaah hla thlansa aṭangin Mizo Lengkhawm thluka sak chi solo hla an duh ber leh, a zan hnihnaah Pathian hla an sak duh ber an sa dawn a ni. November 8 zanah result hi puang nghalin, Top 5 thlan chhuah a ni ang.