Chengrang leh Ngenmu Season 4 Final neih a ni ta

Mizoram Investment Show hmasa ber, Chengrang leh Ngenmu Season 4 Final Live Show chu Tharthilthlentu(TiLi) leh Zonet CAble TV te ṭangkawp huaihawtin kar liam ta Zirtawpni, October 25 khan Live show neih zawh a ni leh ta. MSME Elevate Mizoram(MEMiz) chu main sponsor niin co-sponsor LESDE Dept an ni bawk.

He show-ah hian investor pathum - Lalthai Fanai, Owner- F Kapsanga Enterprise; Lalrinchhana Tochhawng, Dealer Principal- Lawma Enfield leh Andrew Hmingmawizuala India Head- Telstra Enterprise CoE te ṭhuin, curator-ah Mark Lalduhsaka, Chairman ISMC TiLi Incubator a ṭhu thung a ni.

Startup pali MizGin(Mizoram Ginger Processing), Hinside, Aizawl Garbo leh Chuantea Furniture Work ten an bulṭanna turte rawn dinchhuah puiin, an start up atana an thil tumte sawi zauna neiin investor-te hmaah investment an mamawh zat te sawina hun an hmang a ni.