Spotify Global Top 10-ah BTS Jin hla thar

BTS member, Jin chuan ahla thar, Ocdotber 25-a chhuak, 'I'll Be There' chu Spotify lamah a chet ṭhatpui hle a, solo debut a neih ṭhat ber a tling.

Jin hla thar hi tlangzarh ni hian Spotify Global Top Songs chart-ah No 9 niin, solo ranking a la thlen san ber a ni. Kum 2022 khan 'The Astronaut' chu No 17 ah a lo lang tawh bawk. 'I'll Be There' hi Japan-a digital single chart-ah No 1 niin, nimin zing khan region 70-ah iTunes Tops Songs chart-ah No 1 a ni bawk. He hla hi November 15-a Jin solo mini album chhuak tur, 'Happy' ah a dah tel dawn a ni.