Fak Zai pakhatna Ruattei'n music video ti chhuak

August thlaa neih zawh tak, Pentecost Fak Zai 2024 pakhatna C. Lalruatsangi chuan a music video hmasa ber, 'Sual vanga lungngaihna' tih chu MDM YouTube channel-ah tih chhuah a ni.

Ruattei hian 'Sual vanga lungngaihna' tih hi Fak Zai Grand Finale-ah khan mawi zetin a thlawh a, he hla vang hian pakhatna dinhmun a luah tih ngam a ni. He hla hi Upa Rodingliana (L) phuah a ni a, Rodingliana hi Mizoram rimawi khawvela hla hriat hlawh tak tak, 'Tlanna Mak' leh 'Khawpui Mawi' tih hlate phuahtu kha a ni.

Dinthar nula Ruattei chuan, "Fak Zaiah rin loh takin pakhatna dinhmunte kan luah ve a, kan zai lo ngaina dertu leh duhsaktu ten music video siam vat tura min rawn angin kan han ti ve rawih a. Kan duh ber chu he hla hmanga miten Pathian an hmuh a, an lungngaihna leh phurrit zawng zawng nena Pathian an hnaih hi a ni," tiin Vanglaini a hrilh a, phal taka a hla saktirtu Rodingliana (L) chhungte hnenah lawmthu a sawi bawk. Ruattei music video hmasa ber hi Hruaitea Hauhnar kut chhuak niin, music & recording hi Drew Records leh Johan Malsawmkima te an ni a, wardrobe hi ralte_boutique_ leh jmuan_thecove94 te an ni.