Plastic car, kan hmabak mai thei Science & Environment

Plastic hmanna a tam tial tial a, hman dan thar leh siam dan thar an hmuhchhuah zel chuan automobile lamah pawh hnu hma a nei chho ṭan mek.

Tunhnai khan US Department of Energy hnuaia Oakridge National Laboratory chuan plastic car an siam chhuak a, hei hi proto-type ang chauh a la ni. Siam ai mah chuan a print-a print chhuah lam a nih hmel mah zawk. A engine leh a kaw chhung lam chu plastic hman chi loh tam tak a awm a, a chhan chu motor hi combustion hmanga tlân, fuel kângina a nawr kal a ni. Chuvang chuan a kaw chhung lamah chuan plastic lam chi hlang hman a rem chiah lo.

A tuamtu, a body-ah hian plastic hlang hman a ni a, hei hi hralh atana siam a ni lo a, experiment chi khat ang chauh a la ni. An car siam hi Shelby Cobra tih a ni. En mai chuan plastic a ni tih a hriat loh a, kal hnaih a, en chian viau loh chuan metal body cover nen a lan danah danglamna a awm lo.

Plastic car a nih chuan a man a tlawm zawk theih dan tur a awm a, a zâng zawk ang a, plastic siam lama hmasawn zelnain zâng zawk, tlâwm zawk a hrin chhuah zel beisei a ni. A tak taka hman, kawngpuia tlân pur pur hlawm tur chuan hun a la duh rei ang.

He hmuna an car siam hi hman ni deuh lawk khan president Obama pawhin a lo tlawh tawh a ni.