Timothée Chalamet lookalike contest-ah amah inlan

New York-ah Pathianni khan actor Timothée Chalamet lookalike contest neih a ni a, mi tam tak chu Timothée Chalamet ang thei tura incheiin an inlan. He hmunah hian Timothée Chalamet chu sawi lawk loin a va kal ve a, fan-te lawm a hlawh hle.

Lookalike contest winner hian USD 50 a hlawh a ni. Hetih lai hian police-te chuan phalna nei loin punkhawmna hun hi buatsaih a ni tiin an tihtawp sak a,lookalike constestant pakhat chu man a ni bawk. Chalamet hian New York-ah 'Marty Supreme' shooting a nei mek a, Josh Safdie direct movie-ah hian Gwyneth Paltrow leh Tyler, The Creator te pawh an chang. He film table tennis champion Marty Reisman chanchin a ni. Chalamet channa, Bob Dylan biopic 'A Complete Unknown' chu December 25 hian tih chhuah a ni dawn bawk.