Favorite New Music-ah Jin 'I'll be There'

BTS member, Jin hla thar, 'I'll be There' chu kar liamtaa music tih chhuah thar zingah fan-ten an duh berah an thlang.

Billboard poll-ah BTS star rocking solo single hi 95% zetin an duh berah an thlang a, Lady Gaga 'Disease', Halsey 'The Great Impersonator', Addison Rae 'Aquamarine' leh Linkin Park 'Over Each Other' ten an dawt. 'I'll be There' hi Jin debut solo album, November 15-a a tih chhuah tur, 'Happy' ah a tel a ni. Kum 31, Jin hian he hla hi a fan-te tih hlimna tura a siam a ni tih sawiin, ARMY te chu chau leh khawhar taka an awm changin, he hla hian chakna leh phurna tharte a pek a beisei thu a sawi. A duh ber chu ARMY te hlim chu a ni, a ti. 'I'll be There' hi American singer-songwriter MAX produce a ni.