2024 MAMA Awards host-ah Park Bo Gum leh Kim Tae Ri

2024 MAMA Awards host atan South Korean actor pahnih, Park Bo Gum leh Kim Tae Ri te ruat an nih thu nimin khan chief producer Yoon Shin Hye chuan a puang.

November 21 hian Dolby Theatre, Los Angeles-ah 2024 MAMA Awards hi neih a ni dawn a, heihi hi Park Bo Gum chuan a host ang. November 22 leh 23-ah Japan-a Osaka khawpuia Kyocera Dome-ah neih leh niin, Kim Tae Ri hian a host ve thung dawn a ni. Awards show hi Mnet chuan live-in a pe chhuak ang. Los Angeles-a award neih tur hi US-in a thlen hmasak ber leh, Southeast Asia pawn lama buatsaih a nih vawi khatna tur a ni. Kum 2017 aṭang hian Park Bo Gum hian MAMA Awards hi a lo host tawh a, Kim Tae Ri erawh chu a host vawi khatna tur a ni thung. Perform tur an puan zingah BIGBANG’s G-Dragon, BIBI, (G)I-DLE, BOYNEXTDOOR, Park Jin Young, TOMORROW X TOGETHER, aespa, ENHYPEN, TWS, RIIZE, ILLIT, SEVENTEEN leh Lee Young Ji te pawh an tel.