CR7 hmu turin km 13,000 chuang cycle-in kal

Legendary footballer, Cristiano Ronaldo-a superfan, China mi Gong chu a idol hmu turin China aṭangin Saudi Arabia thleng cycle-in a kal a, thla sarih hun hmangin km 13,000 chuang a kal a ni.

March 18, 2024 khan kum 24 mi, Gong hi CR7 hmu tur hian an khua aṭangin a inkhalh chhuak a, October 10 khan Saudi Arabia khawpui, Riyadh-ah a thleng. A kalkawngah hian ram paruk a paltlang. Riyadh a thlen lai hian Ronaldo hi Europe lama a awm lai a nih avangin ni rei vak lo a lo nghak leh phawt a, October 20-ah Al Nassr Football Club-ah CR7 hi a hmu thei ta a ni. An inhmuh hma hian Al Nassr leh AI Shabab inkhel enin, Ronaldo inkhel chu a hmunah a en bawk. Ronaldo hian Al Nassr No 7 jersey a sign hnan chu a pe a, Gong-a ṭhiante hming ziahna banner pawh a sign sak bawk. Gong hian Ronaldo te ram, Portugal tlawh a la tum leh bawk.