PYD Zaikhawmpui nei dawn

General PYD leh Media & Publicity Board, Mizoram UPC buatsaihin PYD Zaikhawmpui neih a ni dawn a, zanin dar 8:30 hian Mizoram UPC Assembly Centre, Zonuamah Zaikhawmpui hi neih a ni ang.

PYD Zaikhawmpuiah hian a huhoa a tam thei ang bera zaikhawm tur niin, group zai leh mal zai a awm dawn bawk. Group angin Ainawn Veng PYD leh Armed Veng South PYD-te an zai ang a, Gershom Lalṭanpuia Sailo, Lalnunpuii leh Zothanmawii ten a huhoa zai an nei bawk ang. Mal Zai lamah Pentecost Fak Zai 2024 pakhatna leh tun hnaia music video 'Sual vanga lungngaihna' ti chhuaktu, C. Lalruatsangi leh pahnihna C. Chawngsangzela te an zai dawn. Pentecost Fak Zai 2023 pahnihna Rebek Vanlalnunpuii, Mizo Idol lama hming lo chher tawh C. Lalmuanpuii leh Lalawmpuii te an zai bawk ang.