Camila Cabello in 'C, XOXO' short film ti chhuak

30th October, 2024

Camila Cabello chuan a album thar, 'C, XOXO' short film chu YouTube lamah a ti chhuak a, he album-a hla live-a a perform laite a dah a ni.

Short film hi minute 17 a rei niin, a tir berah hmeichhe dancer-te nena 'Channel No 5' a perform lai a lang. 'Dream Girls' a perform lai pawh lang bawkin, a hnuah dancer-te nena khuma an hahchawl laite a lang leh a ni. 'B.O.A.T.' bakah 'GODSPEED' leh 'Dade County Dreaming' a perform lai pawh short film-ah hian a dah bawk. A short film hi a fan-ten an ngaihlu hle a, part hnihna pawh ti chhuak leh turin an ngen.