The Voice-ah top 5 an puang ta e

Tunlaia America-a singing competition an ngaihhlut ber The Voice chuan a tawp lam a hnaih ve ṭan tawh a, tunah chuan top 5 an puang fel ta.

Top 5-a tling hmasa ber chu Pharrell-a team-a mi Sawyer Frederick a ni a, top 5 zinga naupang ber a ni bawk. Blake Shelton-a team-a mi Meghan Linsey chuan a rawn zui ve leh a, Pharrell-a team-a mi vek Hawthorne a rawn tling bawk. Joshua Davis a tling tih an puang leh a, tlin pangngaia tling thei chin chu an tling kim.

Carney leh Nichole te chhanhima an awm theih leh theih loh tur fiahna paltlang a ngai a, an zai ta. Carney hian Pink hla 'Perfect' a rawn thlawh a, Nichole hian 'Seven Nation Army' a rawn sa thung. Zaithiam talent nei ṭha tak an ni a, tunge tih tlin tur zawk hriatthiam a har ve ang. Anni pahnih hi Christina Aguilera team-a mi ve ve an ni.

Entuten vote an thlak ta a, a tawpa vannei zawk chu Carney a ni. Carney hi a zawnin vawi hnih mipui vote-in a chhanhim ta. Nichole tan intihsiakna a tawp ta thung. Carney chiah hi Aguilera naute zinga la dam awm chhun a ni.