Mizoramah K-Pop star rual
Korean culture influence a nasa zel a, Mizoram pawh min kangkai nasa. Korean Culture Centre, India (KCCI) chuan Mizoram sorkar hnenah July thla chawhnu lama K-pop zaithiam, lâm thiam leh filmstar-te Aizawla concert neih an rawn dil a, ngaihtuah ṭhat turin sorkar mi pawimawh ten an rel.
KCCI hian Mizoram sorkar hnenah K-Pop concert neih an rawn dil hi nimin khan sorkar hotuten an ngaihtuah nghal a, chief secretary Lalmalsawma hoa ngaihtuah niin, K-POP concert chu Korean Ambassador-in Mizoram a rawn tlawhin a hrin, Mizoram leh Korean cultural exchange programme zinga event pakhat a nih thu tarlan a ni.
He concert buatsaih hun tur KCCI-in an rawn ruat hi Pathianniah a tlak avangin KCCI leh Mizoram sorkarte an inrawn ṭhat leh a ngai dawn a, concert hun tur hi chiang taka tarlan theih a ni ta rih lo. Ruahmanna neihlawk dan chuan K-POP concert-na a rawn tel tur Korean artiste-te leh official-te hi 60 an ni dawn.