Billboard chart hrang hrang Ellie Goulding a langsar ber rih

Ed Sheeran leh Taylor Swift te an la liam tak tak thei lo

Album chart kan tarlang deuh tlangpui a, tun ṭum chu Billboard-a chart hrang hranga pakhatnate tarlang thung ang.

Pop Song lamah chuan Ellie Goulding hla hit 'Love me like you do' chu pakhatnaah a la awm tluang zel a, kar thum zet pakhatnaah a awm tawh. Wiz Khalifa leh Charlie Puth te sak, See You Again chu pakuanaah a rawn lang thar. Adult Pop Song-ah pawh Ellie Goulding tho a ropui. He chart bikah hian a vawi khatna 'Love me like you do' chu pakhatnaah a rawn awm thar a, Ellie Goulding hi he chart-a pakhatnaa a vawi khat awmna a ni. A hmaa a thlen san ber chu palina.

Adult Contemporary-ah Ed Sheeran a la chungnung tluang zel a, a hla hit 'Thinking Out Loud' chu pakhatnaah a awm leh. Heti hian Ed Sheeran hian he hla hmang hian Adult Contemporary-ah pakhat hapta kaw chhung a hauh tawh a ni. Taylor Swift hla 'Style' chu paruknaah a rawn kai chho nghal nawlh bawk. Meghan Trainor hla 'Dear Future Husband' chu 25-ah a rawn lang thar.

Alternative Songs-ah chuan AWOL­NATION hla 'Hol­low Moon (Bad Wolf)' kar hnihna atan pakhatnaah a awm leh. Adult Alternative Song lamah thung chuan Florence + The Machine hla 'What kind of man' chuan pakhat­na a rawn luah thar a, Hozier-a hla 'Work song' chu 15-naah a rawn chuang chhuak nawlh bawk. Mainstream Rock Song-ah thung chuan Zac Brown Band leh Chris Cornell te sak 'Heavy is the Head' chu a vawi hnih nan pakhatnaah a awm leh.