'Ghostbusters: Afterlife' nakkum nipuiah

Ghostbusters: Afterlife tlangzarh hun chu sawn hlat a ni leh ta a, Sony leh Columbia Pictures chuan nakkum June 11-a tlangzarh an tum tih an tarlang.

Jason Reitman film hi a tirah chuan kumin July a tlangzarh kha an tum a, mahse Covid-19 hripui leng vangin March 2021 atan sawn hla phawtin hei pawh hi an sawn hla leh ta a ni.

Afterlife-ah hian Carrie Coon, Finn Wolfhard, Mckenna Grace leh Paul Rudd-te hmel kan hmu dawn a, Ghosbusters (1984) leh Ghosbusters II (1989)-te chhunzawmna a ni dawn.

Sony leh Screen Gems chuan kum 2016-a tihchhuah Don't Breathe chhunzawmna pawh nakkum August 13-ah tlangzarh a ni dawn tih an tarlang nghal.