Billboard 200 : No 1-ah Yeat album a lang ve ta

American hip-hop artist, songwriter leh record producer ni bawk, Yeat chuan a vawi khatnan Billboard 200 album chart-ah No 1 ni thei album a nei ve ta.

Yeat, a hming tak Noah Olivier Smith hian music a luhchilh aṭanga kum sawm hnuah a album thar, 'Lyfestyle' chu album chart-ah No 1 a rawn nihpui thei ta a, Top 10-a lang thei album panga a neihna a ni bawk. Kumina album a tih chhuah pahnihna niin, February thla khan '2093' a lo ti chhuak tawh a ni. 'Lyfstyle' hian kar liam ta chhung khan United States-ah equivalent album unit 89,000 neiin, album-a hla 22 te hian on-demand official stream mtd 39.67 an nei. Album sales hi 60,000 neiin, kar khat chhunga album a hralh ṭhat ber a ni bawk.

October 18, 2024-a tih chhuah, 'Lyfestyle' album-ah hian Lil Durk, Don Toliver, Kodak Black bakah artist dang a thawhpuina te pawh an tel. Tlangzarh karah hian Spotify Top Album Debut Chart-ah No 1 niin, US bikah a hla pahnih, “GEEK TIMË” leh “STFU” chu US Top Song Debut Chart-ah an lang bawk a ni.

Sabrina Carpenter 'Short n' Sweet' chu No 4 aṭangin No 2 ah a rawn chho a, equivalent album unit 79,000 a neih belh leh. Chart hmasaa No 1 hauhtu, Jelly Roll 'Beautifully Broken' chu No 3-ah a tla thla thung a, equivalent album unit 68,000 a nei. Rod Wave 'Last Lap' pawhin equivalent album unit 67,000 neiin No 4 ah a tla thla bawk.

SEVENTEEN chuan Top 10-a lang thei album paruk an neihna turin, 'SPILL THE FEELS' chu No 5-ah an lanpui a, equivalent album unit 66,000 a nei.