Blackpink Lisa-i'n zirlai naupang lam zirtir

Blackpink member, Lisa chuan Brooklyn-a PS 282 Park Slope School zirlai naupangte tlawhin, lam a zirtir. Naupangte nen hian a hla hit 'Rockstar' hmangin music video an siam nghal bawk.

'Celebrity Substitute' episode tharah Lisa hian Julian Shapiro-Barnum nena substitute teacher-ah rawn ṭangin, New York-a third-grade public school-ah class an la a ni. Naupangte chu lam a zirtir hnuah, a hla hmang hian music video an siam bawk. 'Celebrity Substitute' hi digital series niin, mi larte chu zirlai naupangte hnenah an thiam thilte zirtirin substitute teacher-ah an rawn ṭang ṭhin. He show hi Julian Shapiro-Barnum, Benj Pasek, leh Justin Paul te siam a ni a, episode khat hi minute 4-8 vel a ni.