'Jumanji 3' ah a changtu ngaite kan hmu dawn

Sony Picture chuan 'Jumanji 3' siam a ni dawn tih leh a chhuah hun tur a puang chiang ta. Kum 2026, December 11-ah theatre-ah tih chhuah a ni dawn a, jungel adventure-ah hian a film hmasa lama changtu, Dwayne "The Rock" Johnson, Kevin Hart, Jack Black, leh Karen Gillan te an rawn chang leh dawn.

Jake Kasdan chuan Jumanji film thar hi a direct dawn a, a plot erawh an la puang zar lo. Jumanji 3 hi he franchise tawpna tur nia sawi a ni bawk. A film hmasa, "Jumanji: Welcome to the Jungle" (2017) leh a sequel "Jumanji: The Next Level" (2019) te kha box office lamah an che ṭha hle a, USD mtd 950 leh USD mtd 801 zet an la lut. He franchise hi Chris Van Allsburg-an kum 1981-a naupang lehkhabu a ziah behchhana siam chhoh ṭan a ni.