Liam Payne hla thar ti chhuak dawn rih lo

Liam Payne hla, 'Do No More' chu tih chhuah a ni dawn rih lo tih a producer Sam Pounds chuan a sawi.

October 16, 2024-a boral, One Direction member hlui, Liam Payne hla la tih chhuah loh hi November 1-a tih chhuah turin ruahman a ni a, mahse a producer chuan Payne chhungte a ngaihtuah avanga an sawn hlat leh thu a sawi. "He hla hi kan duhin tih chhuah chak hle mah ila, a la hun rih lo a ni. Liam hi kan la sun mek a, a chhungte pawhin boruak dang chim buaitu awm loa an la sun ka duh a ni. Kan la nghak rih ang," tiin Pounds chuan a sawi, a tih chhuah hun turah pawh a chhungte a ngaihchan tur thu a tarlang. Fan-te pawhin Sam thutlukna siam chu ṭha an tih thu an sawi ve bawk.