American Idol: Top 3 a hriat ta
Nilaini zan khan American Idol chu chhunzawm leh a ni a, kar leha Grand Finale neih tura inel tur mi pathumte a hriat ta.
Nilaini zanah hian contestant mi pali - Fradiani, Cole, Beckham leh Rayvon te hian hla pathum ṭheuh an sa a; hla pakhat hi an mentor, Scott Borchetta thlansak a ni a, hla dang pakhat chu judge tena an thlansak niin, hla pathumna chu contestant-ten an thlan a ni. Hla pathumna, contestant-tena an thlan hi anmahni khaw hla lam ni tura beisei a ni.
Top 3 thleng tura intihsiak an ni tawh bawk a, an ṭang hlawm hle a, an thiam theihtawp ṭheuh an chhuah a ni. An zai zawhah Ryan Seacrest chuan result a rawn puang ta. Owen Rayvon hi a hma aṭanga bottom lama awm ziah, mipui vote hmanga tling chho kha a ni a, tunah chuan a hun tawp ta. Clark Beckham, Nick Fradiani leh Jax Cole te an tling chho ta a ni. Tunah chuan top 3 hi mingo hlangin an bei dawn ta e.