Hip-hopper zingah P. Diddy a hausa ber

Dr. Dre khan Beats a hralh hnu lawk khan khawvela hip-hop star zinga hausa ber a ni a, mahse tunah chuan P. Diddy bawkin a rawn khûm leh ta.

Forbes chanchinbuin hip-hop star zinga hausa a tarlanah P. Diddy hian dollar mtd 735 zet neiin a hausa ber a; a neih hlutzawng zawng zawng hi tun thla 12 kalta chhunga a thil neih aṭanga an chhut a ni. Pi. Diddy sum lakluhna lian hi music ai mahin sumdawnna lam thil a ni zawk mah.

P. Diddy sum hnar ṭha tak pakhat chu Ciroc vodka a ni a, chu bakah chuan clo­thing line hlawhtling tak, Sean John and Enyce te a nei bawk. Tui thiang­hlim in tur lam, Aqua­hydrate te, te­quila thar DeLeon te, mul­timedia network hlawh­­tling Revolt te hi a sum hmuhna lian zualte an ni.

Dr. Dre chu pahnih­naah a awm a, nikum khan hip-hop artist zinga billionaire hmasa ber niin a insawi a, hei hi Apple-in a headphone Beats an lei vang a ni. Dr. Dre hausakna zawng zawng hi dollar mtd700 hu zet a ni. Pathumnaah Jay-Z a awm a, a hausakna hi dollar mtd550 hu a ni a, 50 Cent chu palina niin, dollar mtd155 a nei a, Birdman chuan dollar mtd150 a nei bawk.