Nancy-in pasal a nei dawn
Mizo zaithiam, Gospel singer zinga mite duh berte zinga mi Nancy Zothanmawii chuan June 26, 2015 khian khiangawiin a liam dawn ta a, mahse zai a chawlhsan dawn tihna erawh a ni lo.
Nancy-i pasal tur hi Dr. K. Lalbiakchhunga, Ramhlun North a ni a, Indian Defence Accounts Service (IDAS) niin, Guwahati-ah Assistant Controller hna thawk mek a ni.
Nancy hi Zoram mipui hriatah kum 2002 velah a rawn zai chhuak ṭan a, kum 13 vel Mizo mipuite min lo awi tawh a ni. Audio album pawh pathum - ram ngaih hla album pakhat leh Pathian fakna hla album pahnih a siam tawh a, music video ṭhahnem tak a nei bawk. Mizo gospel singer zinga zai tura sawm hlawh berte zinga mi a ni. Kum 2012 khan Mizoram Synod Choir-ah a tel a, a term hnihna a hmang mek a, a thawhhlawk pawl a ni. Zai avangin India ram pawn thlengin a lo tei chhuak ve nual tawh bawk.