Russia-in Google US Dolar decillion 20 chawi turin ti

Russia court chuan tech-giant, Google chu Russia sorkar enkawl media channel-te a block sak avangin USD decillion 20 chawi turin a ti. Sum chawi tura a tih zat hi USD $20,000,000,000,000,000,000,000,000,000,000,000 ( 2 dawta zero awm zat hi 34) a ni. Khawvel pum economy ai pawhin a let eng emaw zatin a tam.

Google hian Russia-in Ukraine a run hnuah, Google parent company, Alphabet hnuaia mi, YouTube chuan Russia sorkar hnuaia media channel-te chu an platform-ah block a ni. YouTube hian kum 2022, March thla khan Russian channel eng emaw zat a block thu hi a puang a, an zingah hian RT leh Sputnik pawh an tel. Channel 1,000 chuan a block bakah video pawh 15,000 chuang a paih a ni. Hemi hnu hian Russian broadcaster hrang hrang chuan Google hi an khing a, an channel chu dah chhuah tir leh turin an phut.

Court chuan Google hian national broadcasting rules a bawhchhia tiin, sum tam tak chawi tur hian a ti ta a ni. Russia Parliament chuan sum tam lutuk mai chawi tura an tih hi Russian broadcaster-te chungchanga a thutlukna ngaihtuah ṭha leh tur a Google nawr tumna a nih thu a tarlang.