Coldplay concert-a special guest atan TWICE

British rock band, Coldplay chuan Seoul-a concert an neih turah TWICE chu special guest performer an ni dawn tih nimin khan an puang.

'Music of the Spheres' world tour nei mek, Coldplay hian nakkum April thla hian Seoul-a Goyang Stadium ah zan ruk concert an nei dawn a ni. Khawvel huapa band lar pahnih inlan dun tur hian an fan-te pawh a ti phur hle a, social media lamah pawh an sawi nasa nghal hle. TWICE hi JYP Entertainment-in kum 2015-a a din niin, member pakua an awm. An studio album hmasa ber, 2017-a an tih chhuah 'Twicetagram' leh single 'Likey' hmangin South Korean hmeichhe group zingah Billboard Wold Albums leh World Digital Song Sales chart-ah No 1 hauh thei hmasa ber an ni.