West-an a fanu zu rui a hmuhtir phal lo
Kourtney Kardashian kawppui a ni a, mahse zua harsatna a tawh nasat avangin Kanye West chuan a fanu North West chu a nu laizawn kawppui, Scott Disick hmuh a phal lo.
Scott Disick hian zu ngawl a vei a, rehab-ah pawh a kal fo ṭhin, hetiang hi a nun a nih avangin Kanye West hian a nupui, Kim Kardashian laizawn kawppui hi a fanu hmuhtir a duh lo a, a ṭhat chhuah leh hma chu hmu lo se a ti a ni. Zu rui, zu ngawlvei fate hmuhtir chuan an nunah a ṭha lo zawnga nghawng a neih a hlau a, an nu leh pa, an laichinte ruihtheih thila buai, an rui hmuhtir hi a duh lo hrim hrim tih a sawi.
Tunhnaia Scott a ruih buai deuh pawh khan Kanye West chuan Kim K hnenah, a laizawn, Scott-a nupui, Kourtney hnena hrilh tura a tih chu, anmahni fa, Scott-a fate ngei pawh a pa a ṭhat leh hma chu hmuhtir lo hrim hrim turin a ni. Naupangtena zu rui an hmuh an hmuh hian an nunah ṭangkaina a nei lo mai ni loin, naupangte nun a kaihruai ṭha lo zawk thei a ni a ti.