Black metal band chanchin

Heavy metal music hi tam tak chuan a black an ti a, Black Metal phei chu black leh zual tak a ni. Black metal-in huhang a ngahna leh a parvulna, Norway ram aṭanga band rapthlak leh turu taka an member pakhat chanchin behchhana hmang deuh ber chung siin film siam a ni dawn.

He film hi Lords of Chaos: The Bloody Rise of the Satanic Metal Underground tih lehkhabu behchhana siam tur a ni a, hetah hian Norwegian band hlawhtling, Mayhem band chu special reference-a nei chungin, he band-a mi Oystein Aarseth, Euronymous tia hriatlar chanchin chu a behchhan lehzual dawn a ni.

Lords of Chaos: The Bloody Rise of the Satanic Metal Underground film hi Jonas Akerlund-a direct tur a ni a, ani hian Madonna, Lady Gag, Paul McCartney leh U2 music video-te pawh a lo siamsak tawh a ni. Kumin Favang aṭang hian chan ṭan a ni ang.