Age of Ultron a la ropui zel

Avengers thar ber, Age of Ultron chu North America-a theatre-a ticket hralh chhuahah, entu a la ngah a, ticket hralhna aṭangin sum pawh a la lalut hnem ber rih zel. Hapta hnihna atan ticket hralhna hmun, box office aṭanga sum lalut hnem ber a ni leh tawh.

Avengers: Age of Ultron hian kar tawp chhung khan North America bikah hian dollar mtd 77.2 zet a lalut leh a, hengte nen hian North America aṭanga a sum lakluh tawh zawng zawng hi dollar mtd 312.6 zet a tling tawh a ni. Kar hmasa leh, opening week-a a sum lakluh kha dollar mtd 191.3 a ni. He movie hian tun thlengin, khawvel pumah dollar mtd 875 zet a lalut tawh.

Movie tihchhuah tawh zawng zawng zingah, hapta hnih chhunga sum lalut hnem ber pahnihna a ni. Hapta hnih chhunga sum lalut hnem ber chu Avengers tho kha a ni a, kar hnih chhungin dollar mtd 865.3 a hmu chhuak thei. The Dark Knight nen khan ni kaw chhunga dollar mtd 300 hmu tling chak ber dawttu an ni dun a, a chak ber chu The Avengers kha a ni.

Furious 7 pawh khum thei ngei tura ngaih a ni a, a chhan chu The Avengers: Age of Ultron hi movie market lian pahnih - China leh Japan-ah tihchhuah a la ni lo. Pahnihnaah Hot Pursuit a awm a, kar tawp chhung khan dollar mtd13.3 zet a hmuchhuak. Age of Adaline chu pathumnaah a awm.

Box office movie

"Avengers: Age of Ultron" - $77.2

"Hot Pursuit" - $13.3

"The Age of Adaline" - $5.6

"Furious 7" - $5.3

"Paul Blart: Mall Cop 2" - $5.2

"Ex Machina (2015)" - $3.5

"Home (2015)" - $3

"Woman in Gold" - $1.7

"Cinderella" - $1.6

"Unfriended" - $1.4