Crazy Train vangin Ozzy-an pawisa a pe

Ozzy Osbourne-a hla hit, Crazy Train chu tunhnai khan Louisville Leopard Percussionist ten an sa a, an thiam viau a ni ang, Ozzy Osbourne a lawm hle a, Louisville Leopard Percussionist hnenah hian dollar 10,000 zet a pe.

Louisville Leopard Percussionist-a mi, tleirawl rual hian YouTube-ah Crazy Train an cover hi an dah chhuak a, chu chu Ozzy hian a lo en a, an thiam a ti hle a, chuvang chuan pawisa hi a pe ta a ni. Louisville Leopard Percussionist hi tlawmngai pawl a ni a, kum 1993-a din kha a ni a, member 60 vel awmin, an vai hian kum 14 aṭanga 17 inkar an ni.