Fast And Furious a tawp hnai

American action film Fast And Furious chu a film 11-naah a tawp hlen tawh dawn tih Variety chuan a tarlang.

Fast And Furious hi pariat tihchhuah a ni tawh a, director ni ngun ber  Taiwanese-American film director lar, Justin Lin chuan Fast And Furious film 5 lai a direct tawh a, nakkum May 28-a tlangzarh tum Fast & Furious 9 pawh hi a direct tho niin; ruahman lawkna an siam anga an kal a nih chuan ani hian Fast 11 thleng a direct dawn a ni.

Kumina tlangzarh an tum F9 Covid-19 vanga an sawn hlat leh takah hian Vin Diesel kan hmu leh dawn a, Michelle Rodriguez, Tyrese Gibson, Chris "Ludacris" Bridges-te pawh kan hmu leh dawn bawk. Anni bakah hian mi thar, wrestler lar John Cena chu kan hmu bawk dawn a ni.

Hetihlai hian Variety chuan Fast and Furious franchise spin-off dang Universal lam chuan an buaipui mek niin report an dawng tih an tarlang a, Hobbs and Show chauh ni lo spin-off dang pawh kan hmu mai thei a ni.