Byeun Woo Seok-a'n naupang damlo tan won mtd 300 pe

South Korean actor, Byeun Woo Seok chuan naupang damlo ṭanpuina turin Severance Hospital-ah won mtd 300 (USD 217,672.86) a pe.

Hospital chuan actor hnen aṭanga ṭanpuina sum an dawn thu hi puangin, naupang tam takin enkawlna an dawn theih phah dawn a ni, a ti. Byeun Woo Seok label, VARO Entertainment pawhin ṭanpuina a pek thu hi sawiin, a sum pek hi puanzar a duh lo chungin mipui lamin an lo hre ta tho niin a tarlang. Byeun Woo Seok hi Thawhṭanni khan Italian luxury brand, Prada chuan an ambassador thar atana an ruat thu an lo puang tawh bawk a, June thla khan Prada runway show pawh a lo chhim tawh a ni.