Taylor Swift-in Eras Tour US leg a zo ta

Taylor Swift chuan 'Eras Tour' a neih meka US leg chu a zo ta. US leg kharna hi Indiapolis-a Lucas Oil Stadium-ah Pathianni zan khan a nei.

US-a show hlawhtling tak a neih theih avanga a lawm thu hi Swift hian a Instagram lamah pawh sawi chhuakin, a show chhimtu zawng zawngte chungah lawmthu a sawi. Tun thla hian Canada lamah tour hi a chhunzawm leh ang. 'Eras Tour' hi Swift concert tour vawi rukna niin, kum 2023, March 17 aṭang khan a nei ṭan. Show hi vawi kua chauh a nei tawh dawn a, ticket pawh sold-out vek an ni tawh. A kharna hi December 8, 2024 hian Vancouver-ah a nei ang. Eras Tour hi khawvel huapa tour hlawhtling ber a ni tawh a ni. Concert darkar 3 leh minute 15 awh ani tlangpui a, a ṭhenah erawh darkar 3 leh minute 45 a neih chang a awm.