Windows 10 bak awm lo ang

Microsoft chuan ope­ra­ting system-ah Windows 10 piah bak chu an siam tawh dawn lo niin an sawi a, a aiah, a thar hlak siam tawh loin, Windows 10 hi an update char char tawh dawn a ni an ti.

TheVerge chuan Micro­soft-a thawktu pakhat Jerry Nixon an kawm­naah, Windows 10 an tlangzarh chho mek a, tunah hian Windows thar hlak ni chuangin, Windows 10 tho an siam mek tih a sawi. Chumi awmzia chu Windows 10 update, ver­sion thar an siam tihna a ni.

Jerry Nixon hian Microsoft hian an thil lo kalpui tawh ṭhin dan ṭhenkhat a thlak danglam tih a sawi a, a bikin Win­dows a siam dan leh a deve­lop chungchangah a hmaa an kalphung ang loin thil tam tak kalpui a ni tawh dawn niin a sawi. Windows 10 bikah a improvement leh a update zing tawk taka tihchhuah an tum tih a sawi a, Windows thar dang siam thu erawh a sawi lang lo.