Praise On 2024 Top 10 intihsiak dawn

Central Kristian Ṭhalai Pawl (CKṬP) leh Synfo buatsaih mal zai intihsiak, Praise On 2024 neih mekah zanin hian Top 10 intihsiak ṭan a ni dawn.

Top 10 intihsiak hi Dawrpui Kohhran Hall-ah zanin leh naktuk zanah neih a ni dawn a, live music-a zai rem tur a ni ang. Zan khatnaah hian hla thlan sa aṭangin Mizo Lengkhawm thluka sak chi solo hla an duh ber an sa ang a, a zan hnihnaah Pathian hla an sak duh ber an sa thei ang. November 8 zanah result hi puan nghal ani ang a, Top 5 thlan chhuah an ni ang. Hruaina Eng channel leh Synod Information YouTube channel-ah live in an pe chhuak leh dawn a ni. Top 5-te hi November 21 zanah Dawrpui Kohhran Hall-ah vek hian an intihsiak leh ang. Grane Finale hi November 22 zanah neih a ni dawn a ni.