Dota 2 inelna lian tur

Khawvel hmun hrang hrang eSports zinga ngainat hlawh leh kheltu tam berte zinga mi Dota 2 hi Mizo zingah pawh khel kan tam. Khawvela esports zinga sum tamna ber a ni a, he inelna huang chhungah hian Mizote tan pawh hun ṭha a inhawng zel dawn. NetSurf chuan Dota 2 Championship a buatsaih dawn.

NetSurf Internet Sevice Provider te kal tlangin June thla hian Netsurf Dota 2 Championship buatsaih a ni dawn a, he inelna hi kum tina buatsaih tura ruahman a nih avangin kumin hi Season 1 tia koh a ni. Lawmman a ṭha dawn a, semi finbal thleng chinte tan lawmman ṭha tak siam a ni dawn a, hei mai bakah Champion team hian Dota 2 based item trophy an dawng dawn bawk a ni.

Intihsiakna hi June 8 aṭangin ṭan tur a ni a, pakhat­nain Rs. 50,000, pahnihnain Rs. 20,000; semi finalist ten Rs. 5,000 ve ve an dawng dawn a ni. Entry fee a awm lo a, entry form hi NetSorf Office aṭangin lam theih a ni a, May 30 hmaa thehluh tur a ni. Semi final aṭang hian Chanmari YMA Hall-ah khelh tur a ni. Tournament aṭang hian player ṭhazual lakkhawm an ni a, chung mite chu Netsurf hmingin National level championship-ah an tel ang.

A tir lam hi Valve kaltlanga khelh tur a ni dawn a, server hi Singapore a ni ang a, game mode-ah in lama internet-a buai deuhte tan Netsirf hmang gaming parlour te ngaihtuahsak an ni ang.Captains Mode, Dota TV Delay hi minute 2 a ni ang.