Huawei smartphone thar ṭhat hmel

14th May, 2015

Zirtawpni khan Huawei chuan an smartphone siam thar Honor thar chungchang an puang chhuak. Huawei hian Honor 4C leh Honor Bee an hralh chhuak thuai dawn tih an sawi a, an hralh chhuahna tur hi an online partner Flipkart-ah a ni ang.

Honor 4C hi Rs. 8,999-a hralh chhuah a nih tur thu an sawi a, Honor Bee erawh hi chu Rs. 4,999 a ni ang. Hei bakah hian Honor Power Bank AP007 pawh Rs. 1,399-in an zuar bawk dawn.

Honor 4C hian Kirin 620 1.2GHz octa-Core processor a hmang a, a RAM hi 2GB a ni ang a, internal storage hi 8GB a ni. 32GB thlenga lian memory card a vua theih bawk. a display hi inchi 5, HD IPS a ni a, 13MP camera a hnungah vuah a ni a, a hmalamah 5MP camera a awm bawk. Battery hi 2550mAh a ni a, dual SIM a ni. Honor Bee hi 1.2 GHz SC7731 processor hmanga tihnun a ni a, 1GB RAM a ni a, 8GB storage niin, 32 GB thlengin a tihlen theih. Battery hi 1730 mAh a ni a, an pahnih hi Android KitKat ve ve an hmang.