Lalsangzuali Sailo hriatrengna Tlawmngawihna Êng TV show

Mizo nu ropui, Lalsangzuali Sailo hriatreng nan DDK chuan TV show, Tlawmngaihna Êng chu a tichhuak dawn a, zanin dar 8:00 - 8:30 chhung hian he show hi tihchhuah a ni ang.

Tlawmngaihna Êng show hi Real Life chanchinbu editor, Lianhluna Renthlei chuan a produce a, hetah hian Mizoram hmun hrang hranga dinhmun tleu laklawh leh, natna avanga harsatna tawkte chanchin tarlan a ni ṭhin ang. He show hi thla tin, chawlhkar hnihna Ningani zan apiangin DDK, Aizawl aṭanga tihchhuah ṭhin tur a ni.

Producer Lianhluna Renthlei chuan, “Kum 8 chuang Real life thilah mi harsa tak takte kawmin khaw hrang hrangah ka zin kual a, an harsatzia hi sawifiah thiam theih pawh a ni lo. Inenkawlna nei loh avanga boral ta, khawtlangin an ei tur an ngaihtuahsak tam tak an awm a ni. An natna avangtea hna thawk thei lo, thatchhiatna vang ni loa dinhmun tleu laklawh te, rilru hah taka awmten leirem an lo rah ve theih nan he show hi buatsaih kan ni,” tiin an thil tum a sawi.

He TV show ‘Tlawmngaihna êng’ hmasa ber tur hi ‘Nufa Vanduaite Vanneihna’ tih a ni ang. Ṭanpuina pe duh leh sponsor (mimal pawhin) duh tan 8974845442/ 8575837247 ah te a biak theih.