CMT Music Awards-ah Underwood
American Idol aṭanga khawvelin a hmelhriat hnuah Carrie Underwood hi country music-ah chuan a nep thei tawh ngai lo. CMT Music Awards nomination list tar chhuahah pawh dinhmun sang ber a chang.
2015 CMT Music Awards nomination list tar chhuahah hian Carrie Underwood hi category pangaah ngawt a lang a, mimala lang hnem ber a ni. Heng a lanna zingah hian an ngaihhlut Video of the Year, Female Video of the Year leh Collaborative Video of the Year te a tel.
Mi dang langsar zingah Lady Antebellum leh Kenny Chesney te chu category paliah ve ve an lang a, Lambert, Florida George Line, Jason Aldean leh Maddie & Tae te pathumah ṭheuh an lang bawk. Country music sa ngai reng reng lo, Katy Perry, Bob Seger, John Legend leh Aloe Blacc te pawh nomination list-ah hian an lang. CMT Music Awards hi June 10-ah Nashville-a sem tur a ni.